హైదరాబాద్, వెలుగు: కార్తీక పౌర్ణమి సందర్భంగా ఏర్పాటు చేయబోయే ప్రత్యేక బస్సుల్లో చార్జీలను పెంచుతున్నట్టు టీజీఎస్ ఆర్టీసీ యజమాన్యం ప్రకటించింది. హైదరాబాద్ తో పాటు జిల్లా కేంద్రాల నుంచి నడిచే స్పెషల్ బస్సులకు మాత్రమే సవరించిన చార్జీలు వర్తిస్తాయని బుధవారం పత్రిక ప్రకటనలో పేర్కొంది.
స్పెషల్ బ‌స్సులు మిన‌హా మిగ‌తా బస్సుల్లో సాధార‌ణ చార్జీలే అమ‌ల్లో ఉంటాయని ఆర్టీసీ తెలిపింది. కార్తీక పౌర్ణమి ప్రత్యేక బస్సుల్లో ముంద‌స్తు రిజ‌ర్వేష‌న్‌ను tgsrtcbus.in వెబ్‌సైట్‌లో చేసుకోవ‌చ్చని, ప్రత్యేక బస్సులకు సంబంధించిన మరిన్ని వివ‌రాల‌కు ఆర్టీసీ కాల్ సెంట‌ర్ నంబ‌ర్లు 040–-69440000, 040–-23450033 సంప్రదించాలని సంస్థ సూచించింది.
